Zindagi, tu kyon khaamosh hai…

Celebrating National Poetry Month – ‘April’

Aaj mausam tanha hai,
Pal kuch khafa hai,
Thodi si pehchaan toh do.
Zindagi, tu kyon khaamosh hai…
Mohobbat se aaj ishq hai!

Shabdon ne racha mayajaal,
Mann phir bhi na de sukoon,
Aitbaar teri nishaani ka.
Zindagi, tu kyon khaamosh hai…
Sile hoth bole nayi kahaani!

Banjaaro ki basti badi,
Dil-da-badshah ek,
Pyaar di sachi talaash.
Zindagi, tu kyon khaamosh hai…
Intezaar ki dastak bani deewangi!

Dil tu kyon qaidi hai,
Chodd saath bewafa ka,
Sunn pukar khule aasman ki.
Zindagi, tu kyon khaamosh hai…
Apne hi mohalle se tu fanaa hai!

Ae, zindagi poochoon main aaj,
Aakhir tu kyon khaamosh hai…
Bata, kya tera raaz.

Agar, sawal hai tu.
Toh wajah bhi tu.

Agar, nafrat bani tu.
Toh ulfat bhi tu.

Agar, mazhab rahe tu.
Toh matlab bhi tu.

Agar, mera aks tu.
Toh, chaaya bhi tu.

Agar, dard de tu.
Toh, dawa bhi tu.

Agar, tamashaa bana tu.
Toh, haqueeqat bhi sirf tu.

Tu hai junoon.
Tu hi kare jung.

Ae, zindagi tu kyon khaamosh hai…
Aaj, gulha hawa mein tera shahed hai,
Tujhse hi main rahoon,
Mujh mein hi tu rahe.

Ae, zindagi…
Tu kyon khaamosh hai?

Khwaaish! – Desire

Jitni shiddat se paana chahu,
Utni dooor tu jaana chahe,
Tehr gaya mera mann bhi,
Kya tu khwaab hai, ya koi haqueeqat!

Ruka hoon paas aane ko,
Aaz bhi badhti chali,
Saansein meri tham gayi,
Kya tu sach hai, ya koi saazish!

Ban jaa dil ki aarzoo,
Rooh ki tamanna bhi tu,
Poori kar mere lab ki khwaaish,
Kya tu chahat hai, ya koi numaaish!

Iss raat ki ho na subah,
Deep jale; roshan bane chandni,
Shama pighalti gayi,
Kya tu ijazzat hai, ya dil ki zamaanat!

 

Apna time aayega…

Toasting ‘1st anniversary’ to Ad Passions Infinite – 23/01/18 to 23/01/19.

Beedi poori phookh daali,
Chilum bola; bhai apun bhi tere saath,
Yaad mein nikla sirf dhuan.
Saala, Love yeh kaisa,
Apna time aayega…

Katte pe raha intezaar,
Ek…ich pyaali mein apna pyaar,
Socha aayegi aaj toh bahaar.
Saala, Love yeh kaisa,
Apna time aayega…

Lamp-post ki batti gul,
Gully mein andhera full,
Billo rani banegi bijli.
Saala, Love yeh kaisa,
Apna time aayega…

Signal pe dum mara,
Lal, pili dekhta raha,
Hari pe hui gaadi chalu.
Baap, apni toh ho..re..lli hai shuru.
Saala, Love yeh kaisa,
Apna time aayega…

Gateway se banstand tak chala,
Pathar pe naam bhi likh daala,
Issh…strong banegi apni kahaani.
Saala, Love yeh kaisa,
Apna time aayega…

Apni bhi private gaadi,
Neeli batti wali Auto niraali,
Ek…ich seat pe chipke apun dono,
Aaju-baju bajega no pandu.
Saala, Love yeh kaisa,
Apna time aayega…

Gulab pakda haath mein,
Candle light ka booking dhabe pe,
Darling, pyaar se kha toh lo,
Kya tasty…ichh hai chicken masala.
Saala, Love yeh kaisa,
Apna time aayega…

Johri apni ki jeb ke andar,
Anguthi pahuchi ghar ke bheetar,
Maar hi daala mauke pe chouka,
Tu…ich maangta apun ke dil ko.
Saala, Love yeh kaisa,
Apna time aayega…

Shaadi banayegi apne se,
Kholi liya tere waaste,
Einglis medium ki paltan apunki,
Kya banegi tu ab; meri baiko?
Saala, Love yeh kaisa,
Apna time aayega…

I am the Rebel

Perched on a dark cliff,
Inside the dense woods,
I meet a petite robin,
Donned in an amber hood.

He dives into the deep sea,
Fears no dead waves,
Shores back to n fro,
Anchoring firm on his rising fins.

He braves the scarlet roads,
Masks a warrior demon,
Combats tall in grim battles,
Conquering scars on gliding bows.

The call of silence awakens him,
The sound of dream beckons him,
He is the untamed.
Born now, he is the ‘Rebel.’

To the conviction,
To the faith,
He paints the abstract.
He is the Rebel.

To the passion,
To the cause,
He rides his belief.
He is the Rebel.

To the origin,
To the pattern,
He ain’t lie morbid.
He is the Rebel.

To the price,
To the reward,
He reigns the hat.
He is the Rebel.

To the force,
To the strength,
He masters his choice,
He is the Rebel.

He is guts.
He is glory.
He is legend.
He is the story.
He is the Rebel.

He is substance.
He is existence.
He is freedom.
He is immortal.
He is inside me.
I am the ‘Rebel.’

Maai ki dua!

Ek des mera,
Ek gaon mera,
Gaon mein rehti meri maai,
Saath na chootein kabhi tera,
Dua kare yeh meri maai.

Kudrat teri paanch oongli,
Bhinn soch paanchon ki,
Band karlu moothi banjaye,
Saath na tootein ek moothi ka,
Dua kare yeh meri maai.

Sar zameen ko salaam mera,
Raah meri maine hai chooni,
Modh na le alag inn raaston ka,
Saath na badlein dishaaon ka,
Dua kare yeh meri maai.

Samundar teri khoob badi gehrai,
Pyaas alag sabke mann ko bhaayie,
Dhaara yunh behti banke Ganga,
Saath na ruke tere boondon ka,
Dua kare yeh meri maai.

Gulshan khile baghbaan ka,
Khooshboo bani rajnigandha ki,
Kesariya rang bikhra baadal mein,
Saath na mitein sugandh ka,
Dua kare yeh meri maai.

Vichaar alag, bhasha anek,
Basera wahi sabka ek,
Lehrata tiranga gagan mein rang laya,
Saath na bhoolein mitti ke lahu ka,
Dua kare yeh meri maai.

Sparsh! – A touch

https://www.youtube.com/watch?v=Jahus_0mysI

Samundar ke tat par,
Aayi ek leher oonchi,
Khaara paani bheega le gayi,
Oof kya tumne mujhe choo aa…
Yeh kaisa sparsh hai tera!

Dooor dooor tak faili,
Ret ki lambi chaadar,
Komal chaav se lipti rahi,
Oof kya tumne mujhe sarahyaa…
Yeh kaisa sparsh hai tera!

Chadhta suraj apni jawaani mein,
Peeli roshni neele amber mein,
Odh lu kesariya rang chunar ka,
Oof kya tumne mujhe bikhraya…
Yeh kaisa sparsh hai tera!

O ri chori, ab sun le mari zara,
Halki muskaan ki meethi hasi hoon main,
Khaamosh zubaan ka alfaz hoon main,
Sulagti aag ki shama hoon main,
Dhadakte dil ki aag hoon main,
Dabe ehsaas ka raaz hoon main,
Rom rom ki pukar hoon main,

Teri rooh mein hoon main tehra,
Meera ke mann ka hoon main basera.
Kisan mein hai tera sparsh,
Tujse hi hoon main,
Mujhse hi hai teri leela,
Main hoon tera sparsh.

 

First Kiss! – On Fire Cultural Movement page on Facebook (Week 4 Poetry)

Halki hawa ka jhoka aaya,
Mohabbat ka toofan laaya,
Preet bano tum meri,
Honton se jo choo lo tum.

Udta hara dupatta tera,
Lipta neele aasman ko,
Khanakti kangan main thaam lu,
Honton se jo choo lo tum.

Reshami zulfein mahek laaye,
Rang isha ka yunhi lehraye,
Saaz koi chedu dil ke kone ka,
Honton se jo choo lo tum.

Bekarar dil ki awaaz sunn,
Sailaab jazbaaton ka behne do,
Ban jao tum wajah mere ehsaas ki,
Honton se jo choo lo tum.

Bachpan:) – Childhood!

Nanhi ek kali,
Choti bani shararat,
Tim tim karta woh taara,
Main hoon bachpan ki asha.

Kore kagaz ki naav,
Le chalu dariya uss paar,
Badal mein base mera ghar,
Main hoon bachpan ki asha.

Pahadon ki choti par,
Rehti nagri sundar phoolon ki,
Pedon ki chaav mein ja lipti,
Main hoon bachpan ki asha.

Baarish ki basti aayi,
Masti ki woh subah chaayi,
Gile paton ki oss ko odhh lu,
Main hoon bachpan ki asha.

Kache dhaage dosti ke,
Wadein jhoomtein jhulon ke,
Gagan ke parindo se bhi aage,
Main hoon bachpan ki asha.

Umr ka koi hisab nahi,
Masoom mann ka jawab nahi,
Duniya ki nazaron se na dekho,
Main hoon bachpan ki asha.

Dua karoon uss bhagwan se,
Salaamat rahe mahal yeh,
Doli saje sundar khawabon ki,
Main hoon bachpan ki asha.

 

Nasha! – Love Intoxicated

Dhuaan iss hawa mein,
Mehek teri mere mann mein,
Uff, yeh kya ho gaya,
Benakab hua nasha,
Pyaar ka iss dil mein.

Gulabi rang kyon chaaya…,
Armaan honton se takraya,
Uff, yeh kya mehfil hai,
Bechain hua nasha,
Jazbaaton ka iss khayaal mein.

Jaadu tere husn ka,
Ada meri madhoshi ka,
Uff, yeh kya khoobsoorti hai,
Qayamat hua nasha,
Raat ki iss jawaani mein.

Reshmi toofan aaya,
Aankhon se paigam laya,
Uff, yeh kya masti hai,
Humsafar hua nasha,
Meethe rishton ka iss palkon mein.

Faaslon ka mukam aaya,
Teri umeed ka maahol laya,
Uff, yeh kya kalma padha,
Ishq hua nasha,
Mazahab dhadktein dilon mein.

Mulakat hui jab dard se,
Kashish lipti tere ehsaas se,
Uff, yeh kya bhool hai,
Zindagai hua nasha,
Maseeha dua ka sulagti rooh mein.

 

Website Powered by WordPress.com.

Up ↑

%d bloggers like this: