Raat – The Black Night!

Yeh raat har roz aati,
Jaane kitne sanaate laati,
Tum kya jaano sanaato ko,
Chupein kai gehre raaz jo.

Dheemi-si chali lambi raat,
Kehti kuch iski kaali jaat,
Sunn dastaan ishq ki,
Mohabbat ke jalte jazbaat ki.

Aaj ki raat akeli yunh,
Dhuan kaali chaadar ka kyon,
Sochu shayad tum aaj aao,
Adhuri aaz ko jaam pilao.

Banke shaayar main baitha,
Haale-e-dil kuch bayaan karta,
Khaamoshi ka izhar karta,
Chandni raat tera deedar karta.

Khoobsoorti tham si gayi,
Dabe hoth sil se gaye,
Sehmi baahein ruki na gayi,
Bikhri silvatein ek paheli de gayi.

Yeh raat har roz aati,
Jaane kitne sanaate laati,
Tum kya jaano sanaato ko,
Chupein kai gehre raaz jo.

Advertisements

Destiny

Is destiny my sorrow…
Or the reason of the deathly gallows!
Could it be my rejoice…
Else, my true respite!

What is destiny?
Who maketh it?

Thou is my choice.
My armour. My shield.
I am its creator.
In me lies its destruction.
I crumble it.
I resurrect it.

A spell of dark nights,
Stands a white stallion upright.
Paving the dim twilight,
I cross the dense woods.
Reigning a ride of pride,
I mount for my destiny.

Landing on happy surfaces,
My eyes greet ‘Monsieur Monk.’
Hands out two omens,
He demands; make a choice.

Son…choose black, choose white,
Carve thou best luck,
And climb the fate ladder.

O great monk, I replied…
Black is the robe of my scar.
White is my lucky star.
While I adorn the black,
I rise in the glowing white.
I maketh my own ‘Destiny.’
Destiny ain’t a choice to life.
Destiny is my way of life.

Dil kyon rota hai – Tears!

Dil kyon rota hai…
Bebas tu kyon hota hai,
Saala apna hi koi khota hai,
Aansoo tu kyon peeta hai.

Anjaano ka mela hai,
Akela tu kyon sota hai,
Aahat teri sune na koi,
Dard tu kyon sehta hai.

Bheed ki awaaz sunn,
Hawa se khoj na paoon,
Tujh tak kaise pahuchu,
Bheetar se tu kyon bolta hai.

Khaamoshi se baitha hai,
Mehsoos kaise karu,
Dhadkan yunh ruk gayi aise,
Waada tu kyon karta hai.

Dil kyon rota hai…
Bebas tu kyon hota hai,
Jhooth aisa bolta hai,
Pal woh ek dhoka hai,
Tanha mann aaj kehta hai,
Zindagi tera saath chota hai,
Dil tu kyon rota hai!

Kaabil – The Able Mind!

Main aisa kyon hoon?
Main waisa kyon hoon?
Aksar main sochu yoonh…

Raaton ko na soye…
Lootera koi churaiye chain,
Khuli potli… nikli toli,
Shikayat bani badi kahaani.

Kyon na aage badha…
Maksat ne mukam ko choda,
Haar bhi lagi itni nyaari,
Main bana ‘Mr. Sthaayi.’

Maa ki daat chila ke boli,
Teacher ki maar zor se padi,
Pitaji ne phir haari baazi,
Dost ne bhi de di gaali.

Din bane hafte,
Aur hafte beetein saal,
Mann se goonji ek pukar,
Arz kar pyaare… ‘kaabil’ mere bhai.

Phir ek din aaya,
Naya daur laya,
Chal uth mere sher,
Bola… Main hoon kaabil.

Mann ka kona tatol,
Oorja ki kiran ko khol,
Bana apni raah khud,
Aisi soch tu bol.

Tera aks hoon main,
Saamne khada hoon main,
Thoda bheetar jaankh,
Apni manzil ko talash.

Aao nayi umang rache,
Jag ki rekha ko jode,
Khwaab jaga hoonar ka,
Hounsla bana laajawab.

Band moothi ki duniya choti,
Khuli hatheli ka aasmaan niraala,
Alag soch ka banja taara,
Kaabil hai; maa ka laadla.

Main aisa kyon hoon?
Main waisa kyon hoon?
Kore panno pe likhu yoonh…
Main ‘Kaabil.’
Kaabil meri soch.
Soch se rahe pehchaan.
Pehchaan se saara zamaana.
Zamaane se aage main.
Mujhse meri zindagi.
Zindagi se mera wajud.
Wajud se mera kaam.
Kaam se mera naam.

: Perception

Clutched in shackles of bondage,
Peace is my destination.
Running cold shivers to the spine,
Tranquility is nothing but a perception.

I walk the aisle of fire,
Draining the truth in vain.
My gumboots ran cold in chilly snow,
Warmth is nothing but a perception.

Cold blood baths wet my land,
Loathing cries pain the new widow.
Sacrifice inherits delirium,
Revenge is nothing but a perception.

Violence ain’t any solution,
Vengeance is no justice.
The able mind to strum the right chord,
Happiness is then a real perception.

Happiness strings music,
Music plays harmony,
Harmony bridges freedom,
Freedom unveils salvation,
Salvation is then nothing,
My only ‘true perception.’

 

Chhapak – Inspired by the upcoming movie release of the real life acid attack survivor – Laxmi Aggarwal

Ae musafir…
Ruk zara,
Dekh, yahan…
Thoda wahan bhi…

Aankhen band kar,
Mann ki nazar khol,
Paaoge mujhe,
Meri rooh ko.
Mere ehsaas ko.

Main bani aarzoo,
Main rahoon sach,
Pehchaan mujhe…
Main hoon woh,
Main thodi si ‘Chhapak’.

…Na dekh mera rang,
Na dekh mera roop,
Main pyaari Chhapak,
Keval dekh; mera mann.

Nazar na rakh kayar,
Aankhein na juka sharam si,
Main masoom Chhapak,
Dua kar; zamaana rahe paak.

Andhere ka mooh kaala,
Ujaale pe kyon laga taala,
Main timtimati Chhapak,
Sitaaron sa; mera aashiyana.

Dard ki na koi bhasha,
Satya ki na koi zubaan,
Main adbhut Chhapak,
Insaaf bana; jeevan ka saath.

Phir ek daur aaya,
Hua naya janam,
Mita nishaan kalank ka.
Badal ne bahein kholi,
Hawa ne khuli saans li,
Gun gunati main yunhi boli,
Main thodi si ‘Chhapak’.

Zindagi, tu kyon khaamosh hai…

Celebrating National Poetry Month – ‘April’

Aaj mausam tanha hai,
Pal kuch khafa hai,
Thodi si pehchaan toh do.
Zindagi, tu kyon khaamosh hai…
Mohobbat se aaj ishq hai!

Shabdon ne racha mayajaal,
Mann phir bhi na de sukoon,
Aitbaar teri nishaani ka.
Zindagi, tu kyon khaamosh hai…
Sile hoth bole nayi kahaani!

Banjaaro ki basti badi,
Dil-da-badshah ek,
Pyaar di sachi talaash.
Zindagi, tu kyon khaamosh hai…
Intezaar ki dastak bani deewangi!

Dil tu kyon qaidi hai,
Chodd saath bewafa ka,
Sunn pukar khule aasman ki.
Zindagi, tu kyon khaamosh hai…
Apne hi mohalle se tu fanaa hai!

Ae, zindagi poochoon main aaj,
Aakhir tu kyon khaamosh hai…
Bata, kya tera raaz.

Agar, sawal hai tu.
Toh wajah bhi tu.

Agar, nafrat bani tu.
Toh ulfat bhi tu.

Agar, mazhab rahe tu.
Toh matlab bhi tu.

Agar, mera aks tu.
Toh, chaaya bhi tu.

Agar, dard de tu.
Toh, dawa bhi tu.

Agar, tamashaa bana tu.
Toh, haqueeqat bhi sirf tu.

Tu hai junoon.
Tu hi kare jung.

Ae, zindagi tu kyon khaamosh hai…
Aaj, gulha hawa mein tera shahed hai,
Tujhse hi main rahoon,
Mujh mein hi tu rahe.

Ae, zindagi…
Tu kyon khaamosh hai?

Khwaaish! – Desire

Jitni shiddat se paana chahu,
Utni dooor tu jaana chahe,
Tehr gaya mera mann bhi,
Kya tu khwaab hai, ya koi haqueeqat!

Ruka hoon paas aane ko,
Aaz bhi badhti chali,
Saansein meri tham gayi,
Kya tu sach hai, ya koi saazish!

Ban jaa dil ki aarzoo,
Rooh ki tamanna bhi tu,
Poori kar mere lab ki khwaaish,
Kya tu chahat hai, ya koi numaaish!

Iss raat ki ho na subah,
Deep jale; roshan bane chandni,
Shama pighalti gayi,
Kya tu ijazzat hai, ya dil ki zamaanat!

 

Apna time aayega…

Toasting ‘1st anniversary’ to Ad Passions Infinite – 23/01/18 to 23/01/19.

Beedi poori phookh daali,
Chilum bola; bhai apun bhi tere saath,
Yaad mein nikla sirf dhuan.
Saala, Love yeh kaisa,
Apna time aayega…

Katte pe raha intezaar,
Ek…ich pyaali mein apna pyaar,
Socha aayegi aaj toh bahaar.
Saala, Love yeh kaisa,
Apna time aayega…

Lamp-post ki batti gul,
Gully mein andhera full,
Billo rani banegi bijli.
Saala, Love yeh kaisa,
Apna time aayega…

Signal pe dum mara,
Lal, pili dekhta raha,
Hari pe hui gaadi chalu.
Baap, apni toh ho..re..lli hai shuru.
Saala, Love yeh kaisa,
Apna time aayega…

Gateway se banstand tak chala,
Pathar pe naam bhi likh daala,
Issh…strong banegi apni kahaani.
Saala, Love yeh kaisa,
Apna time aayega…

Apni bhi private gaadi,
Neeli batti wali Auto niraali,
Ek…ich seat pe chipke apun dono,
Aaju-baju bajega no pandu.
Saala, Love yeh kaisa,
Apna time aayega…

Gulab pakda haath mein,
Candle light ka booking dhabe pe,
Darling, pyaar se kha toh lo,
Kya tasty…ichh hai chicken masala.
Saala, Love yeh kaisa,
Apna time aayega…

Johri apni ki jeb ke andar,
Anguthi pahuchi ghar ke bheetar,
Maar hi daala mauke pe chouka,
Tu…ich maangta apun ke dil ko.
Saala, Love yeh kaisa,
Apna time aayega…

Shaadi banayegi apne se,
Kholi liya tere waaste,
Einglis medium ki paltan apunki,
Kya banegi tu ab; meri baiko?
Saala, Love yeh kaisa,
Apna time aayega…

Powered by WordPress.com.

Up ↑

%d bloggers like this: