Lahu ke do rang.

https://www.youtube.com/watch?v=cZ1qdWvNedQ

A tribute to all the Indian Jawans who lost their lives in Kashmir for the motherland on 14/02/19 – Jai Hind!

Koun hai tu…
Pesh karo pehchaan.
Josh bhi ek,
Junoon bhi ek,
Phir bhi kyon lahu ke do rang?

Kahan se aaya tu…
Elaan karo mazhab.
Mandir bhi ek,
Masjid bhi ek,
Phir bhi kyon lahu ke do rang?

Koun hai tera messiah…
Kiska tu padhe kalma.
Aankh se barse shola,
Chaati se phate jwaala,
Phir bhi kyon lahu ke do rang?

Kis maksat se tu aaya…
Kaisa baarood tu laaya.
Mastak ka tilak bhi lal,
Rakt ka lep bhi lal,
Phir bhi kyon lahu ke do rang?

Kaisa maahol tu laya…
Kaala sanaata chaaya.
Na dikhi sooni kalai,
Na suni maa ki fariyaad,
Phir bhi kyon lahu ke do rang?

Kya naam hai tera ‘Aatank?’…
Gaon mein phire, tu banke khouf.
Goli se tu khele holi,
Maut se rahe aankh micholi,
Phir bhi kyon lahu ke do rang?

O re ‘Aatank’…
Sun meri bhi chetaavni.
Na jaanoo teri jaat,
Na dikhe tera bhed,
Paar joh kar di tune sarhad,
Laang doon main bhi seema.

Kasam mere tirange ki,
Ghuss kar tere bill mein,
Kar doon chaathi teri chalni.
Yeh watan hai mera,
Main hoon iska sipahi.
Lal hai mera rang,
Lal hi mera lahu hai.

‘Salute to the Indian Army’.

Advertisements

Maai ki dua!

Ek des mera,
Ek gaon mera,
Gaon mein rehti meri maai,
Saath na chootein kabhi tera,
Dua kare yeh meri maai.

Kudrat teri paanch oongli,
Bhinn soch paanchon ki,
Band karlu moothi banjaye,
Saath na tootein ek moothi ka,
Dua kare yeh meri maai.

Sar zameen ko salaam mera,
Raah meri maine hai chooni,
Modh na le alag inn raaston ka,
Saath na badlein dishaaon ka,
Dua kare yeh meri maai.

Samundar teri khoob badi gehrai,
Pyaas alag sabke mann ko bhaayie,
Dhaara yunh behti banke Ganga,
Saath na ruke tere boondon ka,
Dua kare yeh meri maai.

Gulshan khile baghbaan ka,
Khooshboo bani rajnigandha ki,
Kesariya rang bikhra baadal mein,
Saath na mitein sugandh ka,
Dua kare yeh meri maai.

Vichaar alag, bhasha anek,
Basera wahi sabka ek,
Lehrata tiranga gagan mein rang laya,
Saath na bhoolein mitti ke lahu ka,
Dua kare yeh meri maai.

Powered by WordPress.com.

Up ↑

%d bloggers like this: