Khayaalon se karoon ek sawaal,
Meelon tak itni doori kyon?
Manzil koi dastak de,
Ankahe saare raaz kahe.

Woh meri zidd,
Mera jazba,
Aur junoon.
Jeene ka andaaz woh,
Mar mitne ka khawab bhi woh.

Aisa hi hai woh…
Jigar ke paar,
Jeet ka vaar.
Josh ki lalkaar,
Mann ki pukaar.

Bas aur koi nahi,
Akela woh, akela main.
Hum ladte rahe,
Phir bhi chalte rahe.

Haste haste…
Kabhi woh meri dagar,
Aur main uske nagar.
Aisa mera woh humsafar…
~ Mera Hounsla!