Bachpan:) – Childhood!

Nanhi ek kali,
Choti bani shararat,
Tim tim karta woh taara,
Main hoon bachpan ki asha.

Kore kagaz ki naav,
Le chalu dariya uss paar,
Badal mein base mera ghar,
Main hoon bachpan ki asha.

Pahadon ki choti par,
Rehti nagri sundar phoolon ki,
Pedon ki chaav mein ja lipti,
Main hoon bachpan ki asha.

Baarish ki basti aayi,
Masti ki woh subah chaayi,
Gile paton ki oss ko odhh lu,
Main hoon bachpan ki asha.

Kache dhaage dosti ke,
Wadein jhoomtein jhulon ke,
Gagan ke parindo se bhi aage,
Main hoon bachpan ki asha.

Umr ka koi hisab nahi,
Masoom mann ka jawab nahi,
Duniya ki nazaron se na dekho,
Main hoon bachpan ki asha.

Dua karoon uss bhagwan se,
Salaamat rahe mahal yeh,
Doli saje sundar khawabon ki,
Main hoon bachpan ki asha.

 

Advertisements

Powered by WordPress.com.

Up ↑

%d bloggers like this: